main wahm hun ki haqiqat ye haal dekhne ko
giraft hota hun apna visal dekhne ko

charagh karta hun apna har ek azw-e-badan
taras gaya hun gham-e-la-zawal dekhne ko

ye aadmi hain ki patthar jawab dete nahin
chale hain koh-e-nida se sawal dekhne ko

na sher hain na sataish ajab zamana hai
kahin pe milta nahin ab kamal dekhne ko

main 'tur' aakhiri saat ka ek manzar hun
wo aa raha hai mujhe be-misal dekhne ko