markaz-e-dahr zat meri hai
rashk-e-duniya hayat meri hai

ye zamin ye falak ye bahr-o-bar
ye hasin kaenat meri hai

meri khatir nikalta hai suraj
din hai mera ye raat meri hai

waraq-e-gul pe sher hain mere
baat bhi pat pat meri hai

sach ki surat kahi hai jis ne bhi
sach to ye hai wo baat meri hai

kya hua agar nahin mera qabza
phir bhi kul kaenat meri hai

teri qismat ho ya meri 'jami'
jo bhi hai tere sath meri hai