mat kah bura kisi ko jo koi bura bhi hai bande ki har khata mein khuda ki raza bhi hai mat kar malal is ka jo tujh ko mila nahin tera hai kab talak wo jo tujh ko mila bhi hai us ka na rona ro tu jo tujh se hai chhin gaya rah jaega yahin pe jo baqi bacha bhi hai tu bhul kar na dena 'adu ko bhi bad-du'a tera hai jo khuda wo 'adu ka khuda bhi hai auron ki tu bigad ke apni sanwar mat jis mein sabhi ka hai bhala tera bhala bhi hai tera hi ghar jala ho zaruri nahin 'sada' hoga bhala isi mein gar aisa hua bhi hai