maujon ka bartaw dikhaun dekhoge apni tuti naw dikhaun dekhoge koi bhi rut ho shakhen phulti rahti hain apna taza ghaw dikhaun dekhoge chand se chehre par hain kaise kaise dagh aanchal to sarkao dikhaun dekhoge raat ke sapne din bhar khun ugalte hain dhup chadhe aa jao dikhaun dekhoge saji sajai sanwari simti zulfon mein kitna hai bikhraw dikhaun dekhoge paspai hai haar nahin hai zinda hun apna aakhiri daw dikhaun dekhoge ab tak desh ki mitti mujh se lipti hai kya hoga algaw dikhaun dekhoge