mawara-e-nazar guman kya hai
kuchh nahin hai jahan wahan kya hai

kuchh to guzra hai paniyon jaisa
aabdida si chashm-e-jaan kya hai

ijz-e-gul hai shikast-e-khushbu hai
aur aazar-e-gulsitan kya hai

ek aisi hai gandumi daldal
sochta hun ye naqd-e-jaan kya hai

ye kham-e-zulf raegani hai
kuchh na kahiye to raegan kya hai

mujh pe saya hai la-makani ka
warna main kya mera makan kya hai