mera jahan abhi mera jahan bana hi nahin
zamin bani hi nahin aasman bana hi nahin

hazar sabz sahi raegan si lagti hai
wo shakh jis pe kabhi aashiyan bana hi nahin

koi bhi surat-e-haalat der pa na hui
jo gham aziz hua jawedan bana hi nahin

jis inqalab ki surkhi mere lahu ne likhi
wo inqalab meri dastan bana hi nahin

bahut si aur bhi sharten hain karwan ke liye
hujum se to kabhi karwan bana hi nahin