mere dil ke ye dagh sare hain
aasman par jo chand tare hain

kya nirale hain khel ulfat ke
jitne wale khel haare hain

wahi samjhenge kuchh musibat ko
jis ne ro ro ke din guzare hain

jin ko ghairon ke sath dekha hai
kaise kah den ki wo hamare hain

har tarah jo watan ke kaam aaen
wo watan mein hi be-sahaare hain

kal jahan shakٓh-e-ashiyana thi
aaj kuchh rakh kuchh sharare hain

aasman jagmagata tha jin se
meri aahon ke wo sharare hain

hu ka aalam hai chaar samt 'riyaz'
gardish-e-waqt ke nazare hain