mere nasib mein khud-agahi ka dar likh de
bulandiyon ka mere bakht mein safar likh de

tere firaq mein main zindagi guzar chuka
tu apne wasl ki aayat jabin par likh de

mah-o-nujum ki surat tu kar mujhe raushan
siyah raat ke sine pe tu sahar likh de

tu apne nam ki khushbu lahu mein phaila de
tu meri dubti sanson ko mo'atabar likh de

tu apne ishq ki lazzat se mujh ko zinda rakh
mere wajud ko khud mujh se be-khabar likh de