meri basti mein shiwala bhi nahin hai koi
khwah-makhwah pujne wala bhi nahin hai koi

roiye dil ko jigar pitiye kuchh bhi kije
haal-e-dil puchhne wala bhi nahin hai koi

aap manzil pe pahunch aae hain mujh se pahle
aap ke panw mein chhaala bhi nahin hai koi

yun musalsal mujhe ghaddar na kahte jaen
aap ke pas hawala bhi nahin hai koi

hum namak-khwar to urdu ke hain 'imran' magar
ghar mein urdu ka risala bhi nahin hai koi