meri dushman hai sadgi meri kha gai mujh ko aajizi meri hont khole to qaid bol gai baat pahli thi aakhiri meri dar gaya tha mere ujale se chhini suraj ne raushni meri dhun suni mor-chang ki jab se mujh se ruthi hai bansuri meri aap ko shauq shohraton ka hai mera sab kuchh hai shairi meri be-wajah tohmaton se behtar hai chhin lo mujh se zindagi meri jaante ho mera mizaj 'zafar' sah na paoge dushmani meri