meri hayat ko be-rabt bab rahne de
waraq waraq yun hi gham ki kitab rahne de

main rahgiron ki himmat bandhane wala hun
mere wajud mein shamil sharab rahne de

tabah khud ko main kar lun badan ko chhu ke tere
tu apne lams ka mujh par azab rahne de

zara thahar ki abhi khun mein samai nahin
mere qarib badan ki sharab rahne de

bhula chuka hun main sab kuchh dila na yaad mujhe
jo kho chuka hun ab us ka hisab rahne de

jala liya hai badan apni aag mein main ne
bujha na is ko abhi ye azab rahne de