meri wafa muqim hai gard-o-ghubar mein
aahista chalna baad-e-saba ku-e-yar mein

hum hain fareb-khurda magar be-khabar nahin
mafhum-e-zindagi hai faqat eatibar mein

roti to rishta ban na saki koi des ho
aisi mohabbaten to hain apne dayar mein

har shakhs muztarib hai har-ik shakhs be-qarar
hasil sukun tawakkul-e-parwardigar mein

sach kah ke kya gunah kiya sochte hain ab
rishte tamam qata hue ek bar mein