meri zat mein bhi thi dilkashi tujhe yaad ho ki na yaad ho
kabhi main hi tha teri zindagi tujhe yaad ho ki na yaad ho

teri zulf ki ghani chhanw mein koi soya tha jo sukun se
wo hasin saman wo hasin ghadi tujhe yaad ho ki na yaad ho

wo agarche thi meri dil-lagi jise tu ne sach hi samajh liya
mujhe yaad hai teri barhami tujhe yaad ho ki na yaad ho

tu hi kah de tujh ko mila bhi kya bhari bazm se jo utha diya
mujhe yaad ab bhi hai wo ghadi tujhe yaad ho ki na yaad ho