milta nahin koi bhi kharidar ishq mein
ruswa hue hain bar-sar-e-bazar ishq mein

manzil mili na mahala-e-dil hi tai hua
dasht-e-junun ko jaaniye diwar-e-ishq mein

us nafa-e-nigah se pagal hue to kya
zanjir hai ye dard ka aazad ishq mein

ab tak tere khayal se namnak hai ye aankh
sarf is qadar hua hun gunahgar ishq mein

fariyaad kar raha hun judai ke dasht mein
koi nahin sharik-e-gham-e-yar ishq mein

main kunj-e-afiyat mein raha umr-bhar magar
khud se hua hun bar-sar-e-paikar ishq mein

hath aa gai kalid-e-tilism-e-nigah kya
khulne lage hain husn ke asrar-e-ishq mein

hairaniyon ke zakhm ka marham kahan 'nadim'
dil sehr-e-dard se hua bedar ishq mein