milte hi bebak thi wo aankh sharmai hui phir gai pachhta ke palkon tak haya aai hui har ada mastana sar se panw tak chhai hui uf teri kafir jawani josh par aai hui mujh ko ye dawa koi tere siwa dil mein nahin us ka ye ilzam achchhi qaid-e-tanhai hui bhole ban kar un ke munh se sun liya haal-e-raqib umr-bhar mein ek hi to hum se danai hui bosa le kar jaan dali ghair ki taswir mein ye naya eajaz ye achchhi masihai hui dekh kar qatil ki aamad 'dagh' dil mein shad shad aur gham-khwaron ke munh par murdani chhai hui