mohabbat bahr-e-atish hai na utra jae hai mujh se
magar dariya mein rah kar bhi na tarsa jae hai mujh se

tabiat hi kahan mane hai be tum se mile hamdam
ye waqt-e-lutf tanha kab guzara jae hai mujh se

talluq bhi ajab rishta hai do dil jis se milte hain
na joda jae hai us se na toda jae hai mujh se

main hilte dekhta hun yun to donon lab kabhi us ke
magar aahista aisa kuchh na samjha jae hai mujh se

itab us aafat-e-jaan ka sitam us fitna-paikar ka
agar hai didani phir kyon na dekha jae hai mujh se

zaifi aa gai aisi ki mahir kya kahun tum se
agar baitha kabhi to phir na uttha jae hai mujh se