mohabbat lazmi hai manta hun
magar ham-zad ab main thak gaya hun

tumhaara hijr kandhe par rakha hai
na jaane kis jagah main ja raha hun

meri pahli kamai hai mohabbat
mohabbat jo tumhein main de chuka hun

mere chaaron taraf ek shor sa hai
magar phir bhi yahan tanha khada hun

koi to ho jo mere dard bante
musalsal hijr ka mara hua hun

mohabbat, hijr, nafrat mil chuki hai
main taqriban mukammal ho chuka hun