mohabbaton mein udas ho kar raha na jae
udas mausam ka tazkira bhi kiya na jae

milo to aise ki aaina aaine se jaise
dilon mein ranjish ya bughz rakh kar mila na jae

main chahti hun baghair mere na rah sake tu
main chahti baghair tere raha na jae

khayal rakhiye safar mein apne bhi ham-safar ka
qadam se aage qadam badha kar chala na jae

jo lafz mujh mein tadap rahe hain we kya karenge
kisi bure ko agar bura bhi kaha na jae