mujh ko daryuza-gar-e-khwab bana deta hai
jab bhi aata hai meri pyas badha deta hai

puchh leta hai mera haal wo diwaron se
apne hi hath se taswir bana deta hai

us ne sikha hi nahin khwab mein rahne ka safar
aisa koi nahin jo aa ke jaga deta hai

sham hote hi sanwarta hai meri aankhon mein
ye nazara hi mujhe aag bana deta hai

aaina dhund hi leta hai mujhe aakhir-kar
lutf-e-taid mujhe tujh se siwa deta hai