mujh ko is dasht mein phir laut ke aana nahin hai
dil-e-diwana kuchh aisa bhi diwana nahin hai

bar bar aata hai us shakhs se milne ka khayal
kya karun pas mere koi bahana nahin hai

dam sayyaad ne har samt bichha rakkhe hain
aur dekho to kahin ek bhi dana nahin hai

kashtiyan hum ne bhi sahil pe jala dali hain
ab kahin aur yahan se hamein jaana nahin hai

chahta hun ki tamannaen hon puri us ki
pas mere to magar koi khazana nahin hai