mujh se hai teri zat kabhi khatm na hogi
meri jo hai auqat kabhi khatm na hogi

mil jaen kisi mod pe ek roz jo hum tum
phir pyar ki saughat kabhi khatm na hogi

aa jao ke hum rah teri dekh rahe hain
aaoge to phir raat kabhi khatm na hogi

wada ye karo mujh se mulaqat ye teri
ta-umr mulaqat kabhi khatm na hogi

kahte the ki hum 'shaziya' tere hain tere hain
mazi ki wo ek baat kabhi khatm na hogi