murda ho jate hain dil maut se darne wale
zinda rahte hain tere nam pe marne wale

kaun sachchai se munh pher ke ji sakta hai
manzilen pate hain haq rah se guzarne wale

hadse jab naya kirdar waza karte hain
inqalab aate hain duniya mein nikharne wale

ghaw hathiyar ka hota to koi baat na thi
zakhm alfaz ke yun hi nahin bharne wale

tum badal sakti ho is daur ka naqsha koi
khud to 'chashma' nahin haalat badalne wale