na’t kahte hue imkan mein aa jate hain
lafz-e-takwin se wijdan mein aa jate hain

wahan par mansab-e-yari ke ma'ani kya hain
jahan jibril se darban mein aa jate hain

jo mohammad ki ghulami ka pahan lete hain tauq
saf-e-haiwan se insan mein aa jate hain

rahmat-e-munsif-e-akbar bhi dikhati hai fusun
jab mawaddat-kade mizan mein aa jate hain

jo mawaddat mein dikhate hain wafa-e-salman
dar-o-dahliz se diwan mein aa jate hain