na shokhiyon se kare hain wo chashm-e-gul-gun raqs
ki un ke pine se karta hai wan mera khun raqs

na pech-o-tab-e-hawa se hai aab mein girdab
ki mere ashk ke aage kare hai jaijun raqs

tawaf-e-sokhta-e-ishq dekh le ai shama
kare hai jalne se aage patang-e-maftun raqs

kare hai shola-e-sham-e-sahar sa lab pe mere
ai aaftab-laqa khush ho jaan-e-mahzun raqs

misal-e-qibla-numa fakhr fikr-e-'uzlat' se
kare hai misra-e-raushan ke bich mazmun raqs