na talafiyan hi mangen na wafa na pyar mangen
chalo aaj us se khoya hua e'tibar mangen

tere shahr mein hamesha yahi qillaten sahi hain
kabhi us se tauq mangen kabhi us se dad mangen

tere ahd mein na jina tere ahd mein na marna
hamein ikhtiyar ho to koi ikhtiyar mangen

teri be-rukhi ke sadqe teri be-rukhi nahin hai
yahi to hai wo ada jo tere jaan-nisar mangen

kahin yun na ho ki kal hum gham-e-yar se bhi jaen
chalo aa rahi ruton se wahi intizar mangen