nabz thandi ho gai bimar ki
dil mein hasrat rah gai didar ki

misl-e-musa ho gae behosh hum
barq jab chamki jamal-e-yar ki

qabr mein bhi dosto tanha na hun
sath hai hasrat visal-e-yar ki

zakhmi-e-tir-e-nigah-e-naz ko
chahiye patti visal-e-yar ki

jhuk gai gardan hamari khud-bakhud
ta na khali zarb ho dildar ki

mujh se parda ghair se be-pardagi
kya nirali hai ada dildar ki

tum se shora-e-watan ko ai 'jalal'
tab bhi to hai nahin guftar ki