nafas nafas hai bhanwar chaDhti shab ka manzar hai

nafas nafas hai bhanwar chadhti shab ka manzar hai
hisar-e-jism mein ek chikhta samundar hai

hawa-e-taza ke manind mat lipat mujh se
gai ruton ka bahut zahr mere andar hai

nikal ke jaun gunah-gar-e-tirgi se kidhar
har ek hath mein ab raushni ka patthar hai

ek aag udti hui si wahi taaqub mein
badan ki rakh abhi shayad badan ke andar hai

tu kyun udhata hai mujh ko ye raushni ki rida
mujhe khabar hai andhera mera muqaddar hai

salib-e-shab se 'musawwir' sahar ke maqtal tak
kahan milen ki har ek fasla barabar hai


Don't have an account? Sign up

Forgot your password?

Error message here!

Error message here!

Hide Error message here!

Error message here!

OR
OR

Lost your password? Please enter your email address. You will receive a link to create a new password.

Error message here!

Back to log-in

Close