naghma-e-mina hai raqs-e-jam hai tu kahan ai gardish-e-ayyam hai ho na jae husn par jab tak nisar zindagi ilzam hi ilzam hai uth gae sab mai-kashan-e-sarfarosh mai-kadon mein ab khuda ka nam hai pher lin jis se nigahen aap ne us ki qismat mein kahan aaram hai tum hi na-mahram ho warna mai-kasho zindagi khud ek chhalakta jam hai aadmi ko marti hai zindagi maut par to muft ka ilzam hai tere bas ka rog ai 'sabir' nahin shaeri to dil-jalon ka kaam hai