naghma-ha-e-asar-andaz kahan se laun soz mein duba hua saz kahan se laun be-kasi hamdam-o-hamraaz kahan se laun gham mein dubi hui aawaz kahan se laun ishq ne jis ke liye qais ka jama pahna husn-e-khud-bin ke wo andaz kahan se laun uf wo duzdida nigahon ke hasin nazzare uf wo tere ghalat-andaz kahan se laun maut hai mere liye talkhi-e-anjam-e-hayat tujh ko ai lazzat-e-aghaz kahan se laun sunne walon ko jo khud-rafta kare ai 'ahmar' apne sheron mein wo eajaz kahan se laun