nahif tinka bhala tez dhaar kya jaane
na kar sakega wo dariya ko par kya jaane

hayat ki ye nihayat tawil rahguzar
musafiron ki thakan ka shumar kya jaane

masarraton mein chhupa husn-e-dil ko kya malum
ye regzar jamal-e-bahaar kya jaane

wo hum se umr bitane ki baat karta hai
hamein to sans bhi lena hai bar kya jaane

nashe mein hai jo masarrat ka jam pi ke 'obaid'
wo hadsat ki mai ka khumar kya jaane