nai dosti ke fasane bahut hain
magar dushmani ko bahane bahut hain

jahan aurten hukmran ho gai hain
wahan aalami tane-bane bahut hain

sanbhalne ko ahl-e-watan ke liye bhi
dikhae jo jalwe khuda ne bahut hain

hai star t w ka tohfa ye shayad
ki bachche hamare siyane bahut hain

ghazal wo jo murda dilon ko jila de
gulon bulbulon ke tarane bahut hain

salamat rahe 'shad' raushan-zamiri
to mehnat ke do-chaar aane bahut hain