nai-nikor nirali par
dil aaya matwali par

chand ghata ke ghunghar mein
khushbu dali dali par

kanth mile kajra mahka
rang rache diwali par

radha-rani phul saman
hari gae hariyali par

rame kiran rijhe jugnu
akhiyan kajili kali par

dhyan ek bite milan ke dwar
lab chae ki pyali par

sarson suhagan sone se
titriyon ke khali par

prit mein moh milan ki rit
hai tu sahi ai aali par