nas nas mein nasha pyar ka mamur hua hai
dil tere milan ke liye majbur hua hai

wadi mein baras kar abhi barsat chhati hai
chidiyon ki chahak se samay masrur hua hai

aankhon ki guzargah se dar aaya hai dil mein
tu mere tasarruf se bahut dur hua hai

sau bar tera mera fasana hua yakja
sau bar mare sang tu mazkur hua hai

tu rang mahak rup mein aaya tujhe paya
izhaar tere pyar ka bharpur hua hai