nam hain palken teri ai mauj-e-hawa raat ke sath
kya tujhe bhi koi yaad aata hai barsat ke sath

ruthne aur manane ki haden milne lagin
chashm-poshi ke saliqe the shikayat ke sath

tujh ko kho kar bhi rahun khalwat-e-jaan mein teri
jit pai hai mohabbat ne ajab mat ke sath

nind lata hua phir aankh ko dukh deta hua
tajrabe donon hain wabasta tere hat ke sath

kabhi tanhai se mahrum na rakkha mujh ko
dost hamdard rahe kitne meri zat ke sath