naqsha aisa hai mere shamshad ka
rang jamta hi nahin bahzad ka

hausle dekho ki murghan-e-chaman
dhundhte phirte hain ghar sayyaad ka

har jafa-e-yar par hai sabr-o-shukr
hai wazifa harche baada-baad ka

jis ki aabaadi ujadi aap ne
nam tha dil us kharab-abaad ka

ilm painda hai fani hai hunar
nam likhne se raha haddad ka

faiz-e-'nasikh' 'rashk' mein kyunkar na ho
kalbud hai khak-e-faizabad ka