nazar jab hum pe koi bar bar dalega ye iltifat to be-maut mar dalega mere liye kisi khanjar ki kya zarurat hai mujhe to khud mera ehsas mar dalega nahin hai waqt sadaqat ki baat mat kijiye zamana dar-o-rasan se guzar dalega jo asliyat hai chhupane se chhup nahin sakti tu aaina pe kahan tak ghubar dalega hai waqt is liye tera dimagh arsh pe hai badal gaya to zamin mein utar dalega ye soch kar mere hamrah chal sako to chalo zamana rah-e-mohabbat mein khar dalega sanwarta hun 'aziz' aaj kis ko phulon se wo shakhs kal mere kanton ke haar dalega