nazar ko hamil-e-barq-e-jamal kar na saka
ghurur-e-husn ko main paemal kar na saka

wo aane wale zamane ko kya banega
jo aaj tak mere mazi ko haal kar na saka

shikast-e-dil ka mere raaz aap kya jaanen
malal hi na hua ya malal kar na saka

mujhe latif sitam se karam ke pardon mein
kuchh us ne aise mitaya malal kar na saka

hujum-e-gham raha 'nakhshab' magar main apne liye
sharab-o-shahid-o-naghma halal kar na saka