ne but hai na sajda hai ne baada na masti hai
yan sher-parasti hai ya husn-parasti hai

said se tere shoale yun husn ke uthte hain
hathon mein tere goya mahtabi-e-dasti hai

bimari-e-sil se kam samjho na gham-e-ulfat
ye sil mere sine se ab koi akasti hai

mamura-e-dil apna viran raha barson
wo kaun si basti hai kya jaane jo basti hai

missi ki dhadi us ki nazron se jo hai ghaeb
ya-rab wo siyah badli kidhar ko barasti hai

bulbul ko qafas se kab sayyaad tu chhodega
nazzara-e-gul ko ye har sal tarasti hai

sar de ke bhi hath aawe gar tegh-e-kham-e-abru
ai 'mushafi' hum to bhi samjhen hain ki sasti hai