ne mohra baqi ne mohra-bazi
jita hai 'rumi' haara hai 'raazi'

raushan hai jam-e-jamshed ab tak
shahi nahin hai ba-shisha-bazi

dil hai musalman mera na tera
tu bhi namazi main bhi namazi

main jaanta hun anjam us ka
jis marke mein mulla hon ghazi

turki bhi shirin tazi bhi shirin
harf-e-mohabbat turki na tazi

aazar ka pesha khara-tarashi
kar-e-khalilan khara-gudazi

tu zindagi hai paendagi hai
baqi hai jo kuchh sab khak-bazi