nowember ki wahi sardi mubarak
tumhein is rabt ki barsi mubarak

mubarak ho tere hathon ko mehndi
hamari aankh ko surkhi mubarak

agar duniya hi thi khwahish tumhaari
chalo to phir tumhein wo hi mubarak

zamane bhar ka ho kar rahne wale
tujhe rishton ki aasani mubarak

hawale khud ko tum ne kar diya is
nae mallah ko kashti mubarak

makan mein phir makin badle gae hain
makan ko phir nai takhti mubarak