pa ke ishaare josh-e-numu ke
qafile nikle hain khushbu ke

chaar taraf gulzar ke andar
hangame hain rang-o-bu ke

insani qadron ko ganwa kar
khush hain bahut shohrat ke bhuke

razm bhi hum se bazm bhi hum se
malik hain hum saif-o-subu ke

taron bhari shab ke daman par
chhinte hain ye kis ke lahu ke

urdu mein urdu ki burai
karte hain dushman urdu ke

panja-e-wahshat ko hain sikhane
ai 'jarrar' andaz rafu ke