padh na ai ham-nashin visal ka sher
jis se rangin ho khatt-o-khal ka sher

yun talashi jo chahe likh jawe
lek mushkil hai bol-chaal ka sher

tul khincha bayan-e-nak-sik ne
main likha us ke baal baal ka sher

us ke ishq-e-kamar mein ai yaro
hum to kahne lage khayal ka sher

so khayali bhi aisa jis ke huzur
gard hai mirza-'jalal' ka sher

'mushafi' tere sher-e-dil-kash ko
ab to lagta nahin kamal ka sher