padi jo shoala-e-rukh par nazar mein aag lagi misal-e-tur jala dil jigar mein aag lagi zawal ahl-e-hunar ko hunar ke sath hua sukhan pe os padi aur hunar mein aag lagi hua itab se surkh us nigar ka chehra ghazab hua ki dil-e-fitna-gar mein aag lagi bade-badon ko hawa-o-hawas ne khwar kiya hue nifaq se barbaad ghar mein aag lagi jigar ko soz-e-nihan ne jala diya 'raushan' hui jo ashk-fishan chashm-e-tar mein aag lagi