pahle hi din khula ye jawab-o-sawal mein
kuchh husn us ke dil mein hai kuchh khadd-o-khal mein

sailab-e-shauq mera tawazun to le gaya
lekin wo khush-mizaj raha e'tidal mein

jismon se mawara bhi haqaeq bahut se hain
pai hai dil ne raushni sham-e-visal mein

aai hai barha tere aane se pesh-tar
pazeb ki chhanak mere kunj-e-khayal mein

tujh se mila na tha to yahi sochta tha main
insan khud-kafil nahin hai jamal mein