pahli si chahaton ke wo manzar nahin rahe
aashiq to be-shumar hain dilbar nahin rahe

is ahd-e-nau mein aur to sab kuchh mila magar
sharm-o-haya ke qimti zewar nahin rahe

ye phul ye charagh ye taron ka qafila
sab kuchh hai tere khwab ke paikar nahin rah

dil ke nagar mein qaid hain chahat ki bulbulen
wo mausam-e-bahaar ke manzar nahin rahe

lai thi jitni sipiyan sab banjh ho gain
hairan hun kisi mein bhi gauhar nahin rahe

main ne 'nigar' sansen bhi kar din thi jin ke nam
wo ek pal ko bhi mere ho kar nahin rahe