pahuncha hun aasman pe tujhe dhundhta hua
ai mukhtasar basit sitare qarib aa

bikhre hue talab ke taqaze idhar-udhar
kapde gilas qahqahe sahil pe ja-ba-ja

beta suno kaha ye mujhe ek buzurg ne
mahdud kis qadar hai ye tukda zamin ka

un bastiyon ke par udhar dur us taraf
larzan hai khauf-e-marg se insan aaj ka

pagal sa ek aadmi kal dur tak mujhe
mud mud ke dekhta gaya pahchanta gaya