paikar se husn jhankte bola ki aaiye
dariya ke sath aap bhi sahra banaiye

phir yun hua hum us mein kahin mahw ho gae
us ne kaha tha waqt ko sakte mein laiye

ai sakinan-e-chashm chalen sulh kijiye
uthiye hamare khwab ko sine lagaiye

is kasa-e-huruf ki sunta nahin koi
dast-e-dua sametiye aur laut jaiye

waqt-e-safar khamosh hain bosa-kinan-e-lab
un se kalam kijiye un ko rulaiye

'arish' kisi ne chand banana hai chaak par
apne badan ki mitti zara gundh laiye