par mere ishq ke lag jaen diwana ho jaun
main ne socha tha ki ek dam se fasana ho jaun

aap kahiye to chalun dasht ki sahra ki taraf
aur agar kahiye to dariya ko rawana ho jaun

kyun bhala us ko sar-e-sham ye zahmat di jae
kyun na main khud hi zara chal ke nishana ho jaun

rabt hai us ko zamane se bahut sunta hun
koi tarkib karun main bhi zamana ho jaun

karwaten lete hue raat guzar jae to kya
subh hote hi mohabbat ka tarana ho jaun