pas apne boriya bistar na tha
itna sarmaya bhi apne ghar na tha

dasht jangal saiban-o-dar na tha
main hi main tha aur koi manzar na tha

daeron mein bhi na guzri zindagi
khwahishon ka bhi koi mehwar na tha

ek zanjir-e-hawas kar-e-nishat
aur koi silsila hat kar na tha

qatl karta tha mujhe wo pai-ba-pai
us ke hathon mein magar khanjar na tha

apne hi ham-zad se darta hun main
yun kisi aaseb se kuchh dar na tha

hum ye sauda apne sar mein le chale
us gali mein ek bhi patthar na tha