pas mein ruh-e-wafa ho jaise dil mera jalta diya ho jaise is tarah jita hun main tere baghair zindagi ek saza ho jaise lab pe yun nam tera aata hai aakhir-e-shab ki dua ho jaise dil mera toda hai hanste hanste ye tera ahd-e-wafa ho jaise yun teri mast nazar uthti hai dar mai-khana khula ho jaise pal mein murjha ke gira shakh se phul muskurane ki saza ho jaise gham mila tera lipat kar mujh se yar-e-derina mila ho jaise uf ye aalam teri angdai ka gul ho aur mauj-e-saba ho jaise dil mein aai hai teri yaad 'habib' shakh mein phul khila ho jaise